Peukateun Nanggroe
Keunarang Teuku Asrul
Assalamu’alaikom wahe e akhi
Dengoe lon rawi saboh peukara
Donya rap akhe wahe e akhi
Beuna ta hiroe keu poe donya
Bek gadoh taduk bak lapak judi
Sabeb nyan akhi susah syedara
Dalam hudep nyoe beuna taturi
Hukom tuhan beutapeulara
Aleuh nibak nyan e wahe akhi
Kajeut taturi ileume agama
Tajak bak dayah siraman rohani
Bek le taturi arak nyan nama
Adat lawet nyoe hana meukri-sakri
Budaya nasrani yahudi pihna
Agam ngen dara tan le taturi
Sang-sang e rabbi hana agama
Ladom teuduek-duek bak bineh pasi
Nyoe ken ngen dara sang tan sampoerna
Teuka di dara hana le budi
Rata klek agam ka meuturi nama
Nyoe saboh tanda wahe e akhi
Peukateun nanggroe donya ka akhe
Beuna taingat wahe e akhi
Nyan nyang lon rawi beuna tapike
Kajeut ohno dile wahe e akhi
Singoh lusa tasambong teuma
Nyoe na umue geubi le rabbi
Cae peudong agama ta rawi teuma
Banda Aceh, 10 Desember 2010
Tidak ada komentar:
Posting Komentar